 |
| Photo Credits: Becoming Filipino FB Page |
Nakakainspire ang kwento ng isang banyagang ito na taga Wales sa United Kingdom na tiniis ang hirap ng buhay dito sa Pinas kahit ilang beses na siyang naloko.
Ang 28 taong gulang na Welshman na si Anselm ay mas piniling manirahan na lamang sa Pilipinas simula noong taong 2016 simula noong makapangasawa siya ng isang Filipina na taga Davao City.
Katulad rin ng ibang mga foreigners, ay napamahal na sa kanya ang Pilipinas dahil nabighani siya sa kultura at ganda nito.
Ngunit sa kabila ng pagpili niya na mamuhay dito, ay isang dagok ang sumubok sa kanyang buhay. Maraming Pinoy ang nagsamantala sa kanyang kabaitan at ilang beses pa siyang naloko.
 |
| Photo Credits: Becoming Filipino FB Page |
Dahil kailangan niyang humanap ng mapagkakakitaan at buhayin ang kanyang pamilya, napagdesisyunan niya na magtayo ng negosyong fishpond kahit na wala siyang background sa ganitong uri ng trabaho at walang koneksyon.
Ilang buwan siyang nagsanay kung papaano manghuli ng mga isda at kung paano niya ito mabebenta. Pinag-aralan rin niya kung paano mamangka at ihanda kung anu man ang kanyang mga kakailanganin para sa kaniyang fishpond.
Ayon sa kanya ay mayroon namang mga mabuting tao na tumulong sa kanya, at mayroon din namang nais lamang manamantala dahil isa siyang dayuhan dito sa bansa.
 |
| Photo Credits: Becoming Filipino FB Page |
Pero hindi ito naging hadlang upang tumigil siya sa kanyang sinimulan, nawa'y nagpursigi pa siya upang matutunan ang kultura at pamumuhay sa kanilang lugar. At natuto na rin siya sa tulong ng mga tao sa kanilang komunidad sa Brgy. Baybay at marunong na rin siyang mag-Bisaya na mas nakakatulong sa pagbebenta niya ng mga isda sa palengke.
Noong nakaraang Oktubre ay nakapag-harvest na siya ng kanyang mga alagang alimango ngunit malaki ang kanyang nalugi. Pero pinagpatuloy pa rin niya ito at hindi sumuko. Noong Pebrero ay sinubukan niyang mag-alaga ng mga bangus at sa wakas ay naging matagumpay naman ito subalit dumating naman ang pandemya.
 |
| Photo Credits: Becoming Filipino FB Page |
Naranasan rin niyang manirahan sa isang barong-barong na malapit sa kaniyang fishpond upang makatipid sa pagbi-byahe at sa loob ng ilang buwan ay tinitiis niya ang walang kuryente at walang maayos na patubig.
Bagamat ganito man ang sakripisyo ni Anselm ngayon, sa kanyang determinasyon at hindi pagsuko at tiyak na magiging matagumpay rin ang kanyang negosyo pagdating ng panahon.
EmoticonEmoticon