Meryll Soriano, Ibinahagi ang hirap na kaniyang pinagdaanan sa panganganak sa kabila ng kaniyang Gestational Diabetes

Surpresa ang hatid ng aktres na si Merryll Soriano sa kaniyang mga fans nang ibahagi nito sa pinakaunang-araw ng taong 2021 ang magandang balita patungkol sa kaniyang panganganak.

"2021! May this year be kinder to us all. May we all find peace, joy, and love. New year, new hopes, new positive outcomes. Happy New Year from our family to yours!," caption niya sa mga larawan kasama ang kasintahan na si Joem Bascon habang karga ang kanilang sanggol.

Sa edad na 38-taong gulang ay batid ng aktres na delikado ang kaniyang pagdadalantao lalo na at ayon sa mga doktor ay maaari siyang makaranas ng tinatawag na "gestational diabetes", isang kondisyon na madalas mangyari sa ika-anim o ika-pitong buwan ng pagbubuntis.

Ang balitang ito ay nagdulot ng pangamba kay Meryll kaya naman hindi maiwasan na magkaroon siya ng anxiety attacks noon. Sa kabutihang palad ay todo ang suporta sa kaniya ng kasintahang si Joem at ito ang nag-aasikaso ng mga dapat niyang kainin sapagkat kinakailangan ng striktong diet upang hindi ito lumala.

Magkasabay rin sila sa paggawa ng "pregnancy workouts" upang masiguro na magiging malakas ang katawan ng aktres lalo na sa araw ng panganganak. Minsan naman ay yoga ang kaniyang pinagkakaabalahan kung gusto niyang makapag-relax.

Hindi biro ang pinagdaanan ni Meryll sa ikalawa niyang pagbubuntis lalo na at kailangan niyang sumailalim sa apat na glucose test at insulin shots kada araw upang masiguro na normal ang kaniyang blood sugar. 

Matapos nga ang siyam na buwan at sampung oras na labor ay nailuwal niya ng normal ang isang 7 pounds na sanggol. Kaya naman masayang-masaya rin ang panganay nitong anak na si Elijah Palanca, 13-taong gulang dahil sa wakas ay natupad na ang matagal nitong panalangin na magkaroon ng kapatid na lalaki.

"We are the happiest to get to share this experience to our parents and family. Family is everything. And to Kuya Eli, who has been secretly wishing for a brother since he was 10. Bless his heart.", dagdag pa ni Meryll.

Sa ngayon ay masayang-masaya si Meryll sa kabila ng kaliwa't kanang kontrobersiya lalo na at alam niyang napapalibutan siya ng pamamahal mula sa kaniyang pamilya.

Good Samaritan na Pulis, Viral Matapos Pakyawin ang Panindang Saging ng Isang Lolo

Hinangaan ng mga netizen ang kabaitan ng isang police officer matapos nitong pakyawin lahat ng panindang prutas ng isang matanda. Trending online si Police officer Jojo Paguia dahil sa kanyang pagpapakita ng kabaitan at malasakit sa isang lolo. Kung saan naglalako ito ng panindang saging habang tirik na tirik ang araw.

Nang mapansin ni Paguia ang matanda ay hinarang niya ito, hindi para arestuhin kundi para tulungan si lolo. Pinakyaw ni Paguia ang panindang saging ng matanda upang ito daw ay makauwi na sa kanilang tahanan. Ayon kay Paguia ginawa niya ito dahil tirik ang araw at kawawa ang matanda kaysa namna mapagod ito at para hindi na masyado makasalamuha ng iba ibang tao. 

Talagang makikita na maraming pinoy parin ang nagmamalasakit sa isa’t isa at patunay na namumukadkad parin ang bayanihan natin. Maraming mga Pinoy na sa likod ng nangyayari sa atin ay patuloy na nagpapakita ng pagkapositibo sa buhay at pati narin ang pakikipag-kawanggawa sa iba pang tao. 

Dahil sa malas@kit ng pulis sa matanda ay napaluha umano ito sa tuwa. Ayon pa sa post, dinagdagan rin ni Paguia ang perang ibinayad kay lolo upang may panggastos pa siya sa mga susunod pa na araw. Ang viral post ay umano na ng 82,000 shares at 143,000 reactions as of 18 hours. Sana ay maraming mga kapulisan o tao pa ang maging katulad ni kuya na handang tumulong sa mga nangangailangan sa anumang oras.